EXPLORATORES Castrorum

EXPLORATORES Castrorum

quorum meminit Plin. l. 36. c. 19. (Vide locum infra, ubi de Focari lapide seu pyrite, quo illi ad ignem edendum utebantur) iidem erant cum Frumentariis, quos ad explorandum, et annuntiandum, si qui motus exsisterent, constitutos tradit Aur. Victor. Πρὸ τὸ διοπτέυειν καὶ διαγγελλειν: quod officium commune videntur habuisse cum Speculatoribus, quos Plucarch. vocat Διοπτῆρας καὶ Διαγγέλους, i. e. Exploratores, et Annuntiatores; Dio Δίοπτας καὶ Ε᾿ρευνητὰς, Exploratores et Scrutatores. Interim cum iis non confundendi: Namque Sepculatorum Legionis, et Exploratorum Legionis, distincta mentio in antiquis monumentis; ut et Speculatorum et Frumentariorum, quorum hi honestiore gradu militarunt, uti ex Dione docet Salmas. ad Spartian. in Hadr. Vide infra, ubi de Frumentariis et Speculatoribus. Sed et in bello Exploratores prisci iam moris fuêre, ut ex historia sacra Mosis liquet: quos, licet mitti iure Gentium possint, deprehensos pessime tractari notum. Appian. Ε῎θος τοὺς κατασκόπους κτείνειν, mos est exploratores interficere. Vide quae infra de Manuum abscissione. Iuste interdum ab his, qui manifeste iustam habent bellandi causam. ab aliis vero licentiâ illâ, quam dat belii ius. H. Grot. de iure B. et P. l. 3. §. 18 Alia notio Coronarum Exploratoriarum apud Suet. Calig. quibus Imp. hic donavit comites suos et participes victoriae, quorum virtutem habebat exploratam et satis superque testatam. Erant illae distinctae Solis ac Lunae, Siderumque specie quorum fulgore cum explorentur omnia, hinc quoque talium dores sibi exploratas esse, videtur voluisse indigitare Caligula. Vide C. Paschal. Coronar. l. 9. c. 10. uti de exploratione Magistratuum Athenis institui solitâ, infra ubi de Helio. Novemviris, Orator. it. Paredris Stratecis. Thesmoteas, eorum qui militaturi erant, itidem infra in voce Milites; quique muralem vel vallarem inprimis sibi deposcebant coronas, in his vocibus: ut et ubi de Ephcbs, ac Mutilatis bello, item in voce Nothus. qui in Monachorum album admitti postulabant, voce Pulsantes. De exploratione vero nummorum per quatuor sensus, infra in voce Olfactus: Fortunae futurae recens natorum, ubi de Virgis Natalitiis. Erant vero et Exploratores viarum, indigitati Suet. in Tib. c. 60. quo ministeriorum genere utebantur Proceres Rom. non solum in viis agrorum, sed eriam in urbe, pura cum ad balnea, aut cenatum aliquo irent, ut ab iis per vias de lapidibus monerentur, aut alio quoquam quod offendere poset: uti discimus ex Apuleio l. 2. et Luciano in Nigrino.